Vitamina C dhe zinku nuk bëjnë asgjë për të ndihmuar pacientët me koronavirus, thonë përfundimet e një studim të ri të kryer së fundi nga një ekip i Klinikës Cleveland.
Kërkimi i tyre është studimi i parë i madh i rastësishëm për suplementet shtesë, të dhëna nën mbikëqyrjen mjekësore, dhe zbuloi që edhe doza të larta nuk kishin asnjë efekt për të ndihmuar pacientët të shëroheshin nga Covid-19.
Ekipi në sistemin shëndetësor të Klinikës Cleveland caktoi rastësisht 214 pacientë për të marrë doza të ndryshme të acidit askorbik, të njohur zakonisht si vitamina C dhe zink, midis prillit dhe tetorit të vitit të kaluar.
“Në këtë provë klinike të rastësishme të pacientëve ambulatorë të diagnostikuar me infeksionin SARS-CoV-2, trajtimi me glukonat zinku me doza të larta, acid askorbik ose një kombinim i dy shtesave nuk e uli ndjeshëm kohëzgjatjen e simptomave krahasuar me standardin e kujdesit, shkruajti ekipi në revistën JAMA Netëork Open.
“Shumica e konsumatorëve të acidit askorbik dhe zinkut po marrin doza dukshëm më të ulëta të këtyre suplementeve, për të treguar se edhe acidi askorbik me dozë të lartë dhe zinku nuk kishin asnjë efikasitet”, shkruajnë Dr. Milind Desai i Klinikës Cleveland dhe kolegët e tij.
“Për më tepër, marrja e suplementëve shtesë mund të jetë i dëmshëm për shkak të efekteve anësore. Zinku është treguar se shkakton një shije metalike, tharje të gojës dhe intolerancë gastrointestinale në doza të larta. Acidi askorbik mund të shkaktojë intolerancë gastrointestinale dhe në studimin aktual, një përqindje dukshëm më e lartë e pacientëve në nëngrupet e acidit askorbik raportuan efekte anësore, përfshirë të përzierat, diarre dhe spazmat e stomakut”.
