Ish-deputeti socialist Namik Dokle duket të jetë në mesin e personave jashtëzakonisht të kujdesshëm sa i takon respektimit të masave anticovid, dhe thotë që ka 11 muaj që nuk ka asnjë kontakt me botën e jashtme.
Dokle shkruan se kjo gjëndje padyshim që i ka ngjallur trishtim, por ama kujdesi për jetën është mbi të gjitha. Ai kërkon mirëkuptim nga ana e miqve që nuk ka mundur dot ti takojë, por një situatë e tillë ka diktuar rregulla strikte.
“11 MARS – 11 SHKURT= 11 MUAJ! Po, kjo eshte e verteta. Ne 11 muaj asnje kafe jashte shtepise! Asnje vajtje ne restorant! Asnje takim, asnje tubim çfaredo qofte!
E trishte? Po, shume merzi me ka ngjallur kjo gjendje. Por ne mes trishtimit dhe sigurise kam zgjedhur sigurine. Per vete dhe per te tjeret. Disa shoke te mi te shkolles e moren me tallje kete “frike” timen. Por tani me japin te drejte. Uroj te me mirekuptojne edhe moshatare te tjere! Pse jo, edhe me te rinjtë!!!”, shkruan Dokle në postimin e tij në rrjetet sociale.
