Rron Broja nuk do të kalojë te Mol Fehervar. Ekipi hungarez ka zyrtarizuar afrimin e mesfushorit Sami Bourard nga Den Haag, për shifrën e 400 mijë eurove. Në këto kushte, alternativa e blerjes së Brojës, bie automatikisht.
Mol Fehervar kishte shfaqur interes konkret për lojtarin e Partizanit, madje duke kërkuar edhe informacione fillestare për të. Gjithsesi, drejtuesit në fund kanë vendosur të bëjnë të tyrin 25 vjeçarin e ekipit hollandez. Në korridoret e Mol Fehervar ka ditë që diskutohet për një blerje në repartin e mesfushës, me dy futbollistët që ishin të “piketuar”.
Broja, si duket, do qëndrojë tek të kuqtë deri në fundin e sezonit, për të vendosur më pas për të ardhmen. Ai ka zhvilluar 18 paraqitje këtë sezon, duke qenë i rëndësishëm në mesin e fushës. /Newsport.al
