I ftuar në Real Story zv/ ministri i Shëndetësisë përsëriti faktin se Shqipëria është në një situatë dramatike, por sipas tij jo e përballueshme. Tha se jemi në situate jo më të keqe se pjesa më e madhe e Evropës. Ndërkohë që për vendimet e qeverisë tha se ato janë në përputhje me ato të Komitetit Teknik.
Ai tha se shtrimet në spitale janë vetëm në spitalet Covid dhe kanë 550 shtretër. Por tha se janë pregatitur edhe 6 spitale të tjera. Sipas zv/ministrit të Shëndetësisë ka edhe persona të tjerë të shtruar në spitalet rajonale. 1600 shtretër tha ai janë jashtë Tirane nëse situata keqësohet.
A parashikohet që kjo valë mund të godasë më tepër qytetet e tjera?
Është e vështirë të parashikosh me saktësi. Por duke parë shifrat Komiteti vendosi t’a mbyllë me dy javë. Por Nikolla nuk foli për personat që janë prekur me covid dhe nuk dihet se ku trajtohen. Gazetari Erjon Skëndaj i nxorri statistikat Nikollat, duke i thënë se mijëra veta janë duke u trajtuar në banesa dhe ato nuk raportohen. Skëndaj tha se ministria nuk raporton vdekjet, nuk raporton ata që trajtohen në banesa dhe tha se Komiteti Teknik ka frikë. Më pas Skëndaj tha se në dhjetor situata ka qenë më e keqe.
