Juventusi i mori një barazim Interit dje dhe arriti të kualifikohet në finalen e Kupës së Italisë, duke eliminuar Interin edhe nga Kupa, pas eliminimit të turpshëm nga Champions Legaue.
Pas kësaj ndeshje për mediet foli Alex Del Piero, legjenda e Juventusit dhe ish-lojtar i Contes kur drejtonte bardhezinjtë. Del Pieron Interi e ka befasuar për keq.
“Interi ka shumë lojtarë në dispozicion dhe në fillim mendova se ata do kishin forcat e duhura për të përballuar të gjitha kompeticionet. Conte tani duhet të jetë i kujdesshëm sepse Serie A është ei vetmi kompeticion që mund të fitojë. Situata e tij është e vështirë.
Juventus nuk e mbajti shumë topin në zotërim, por Interi nuk arriti të gjente një rrugëdalje për të shkuar te goli. Ata nuk mundën të shënonin dhe është një element që Interi duhet ta përmirësojë. Jam i sigurt se Conte ka një plan B ose C”, u shpreh Del Piero.
