I kishte shpëtuar drejtësisë italiane për 12 vit, por u identifikua nga karabinierët e Compagnia di Bianco, Itali.
Shqiptari Ilir Plaku, 55-vjeç, jetonte i qetë, madje duke bërë një jetë luksi, sëbashku me familjen e tij, afër bregdetit të Durrësit, përgjatë këtyre viteve, raportojnë mediat italiane.
Plaku ishte në kërkim në Itali, që nga viti 2009, pasi akuzohet si anëtar i një organizate që synonte trafikun e drogës dhe rezistencën ndaj një zyrtari publik. Në atë kohë Plaku ishte në Brancaleone dhe ishte lënë me masën e detyrimit të paraqitjes kur më pas humbi gjurmët e tij.
Më pas Plaku u dënua në mungesë nga Gjykata e Apelit të Cagliari, për akumulimin e dënimeve, me 5 vjet e 11 muaj burgim. Plaku u konsiderua pjesë e një Organizate që trafikonte drogë dhe qenie njerëzore, si në territorin kombëtar, në veçanti në Sardenjë, por edhe ndërkombëtarisht.
Arrestimi
Kërkimi i tij për 12 vite nga kishte rezultuar i kotë, derisa në muajt e fundit, karabinierët filluan hetime të reja, të koordinuara nga Prokuroria Publike e Locrit dhe Prokuroria e Përgjithshme e Cagliarit, një degë e Sassari.
Përmes një monitorimi të gjerë të faqes në internet, hetuesit ishin në gjendje të verifikonin që Plaku ishte fshehur, së bashku me të afërmit e tij, në Shenavlash, pjesë e Komunës së Rrashbull, afër Durrësit.
Në fotografitë e shumta që policia kishte siguruar dukej se burri bënte një jetë luksoze, udhëtime, darka familjare dhe shihej i veshur me rroba të stilistëve të mëdhenj.
Më pas Karabinierët raportuan elementët e rinj në Prokurorinë Publike në seksionin e shkëputur të Gjykatës së Apelit Sassari, i cili kërkoi nga Ministria e Drejtësisë të zgjerojë kërkimet përtej territorit të IKtalisë.
Operacioni, i filluar disa ditë më parë, u zhvillua në bazë të indikacioneve të siguruara nga karabinierët e Compagnia di Bianco në bashkëpunim me Shërbimin Ndërkombëtar të Bashkëpunimit Policor dhe Zyrës së Ekspertit të Sigurisë të Departamentit Qendror të Policisë kriminale në Rumani, e cila i dha policisë shqiptare detaje të sakta.
Kjo lejoi forcat e policisë shqiptare, me koordinimin e Interpol, të gjurmonin dhe arrestonin Ilir Plakun.
