Pavarësisht se jemi në 2021, energjia elektrike vijon të mbetet një problem për shqiptarët. Çdo ditë raportohen ndërprerje të energjisë elektrike, që hera herës shkaktohen nga defektet e ndryshme.
Së fundmi ish-deputeti demokrat Flamur Noka ka postuar në rrjet një video, nga zona e Zall Herr, ku mbrëmjen e djeshme ka pasur ndërprerje të energjisë, ndërsa ai zhvillonte një takim në kuadrin e organizimeve për zgjedhjet parlamentare të 25 prillit.
“Sot me strukturat e PD të njësisë administrative Zall Herr.
Energjia elektrike mungon, por jo energjia dhe vendosmëria për një superfitore në 25 prill! Mungesa e përnatshme e dritave është vetëm një detaj i dështimit të Edi Ramës në 8 vjet.
Banorët e kësaj njësie administrative janë të harruar nga Rilindja por shpresëplotë në ndryshimin e shumepritur.
Asgjë nuk do të na ndalë deri në 25 prill për të marrë çdo votë që sjell ndryshimin! Në 25 prill humb Edi Rama, fiton Shqipëria“, shkruan Noka në postimin e tij.
