Drejtoria e Përgjithshme Detare nëpërmjet një njoftimi në rrjetin social “Facebook” bën me dije se pritet të ketë përkeqësim të motit duke filluar nda dita e sotme.
Përkeqësimi i motit pritet të vijojë deri në mesnatën e së mërkurës.
Ndërsa bregdeti do të përfshihet nga era me drejtim jug -jugperëndim me shpejtësi deri në 30 milje/orë dhe lartësia e dallgës mbi 3 m.
Autoritetet bëjnë apel për bashkëpunim të subjekteve që ushtrojnë veprimtari në fushën e detarisë për të marrë masat për sigurimin e mjeteve
Njoftim për përkeqësim të motit!
Duke filluar nga dita e sotme deri ditën e mërkure në mesnatë, moti do të përkeqësohet.
Bregdeti ynë do të përfshihet nga era me drejtim jug -jugperëndim me shpejtësi deri në 30 milje/orë dhe lartësia e dallgës mbi 3 m.
Me qëllim parandalimin e çdo situate të papritur për shkak të kushteve atmosferike kërkojmë bashkëpunimin e të gjithë subjekteve që ushtrojnë veprimtari në fushën e detarisë, për të marrë të gjitha masat e nevojshme për sigurimin e mjeteve në port dhe rritje e gadishmërisë së ekuipazhit në mjetet lundruese.
