Zidane revoltohet ndaj shtypit spanjoll, kërkon respekt për punën e tij te Real Madrid

Pozicionimi i Realit në vendin e tretë të La Ligës  është bërë shkak që mediat spanjolle të aludojnë për një largim të mundshëm të trajnerit Zidane.

Në konferencën për shtyp ai ka shprehur gjithë zemërimin për këto aludime duke thënë para mediave që ajo çfarë e bën të qeshë më shumë janë pyetjet se çfarë e ka zemëruar.

“Nuk e meritoj të trajtohem kështu nga shtypi. Ne fituam ligën sezonin e kaluar dhe do doja pak respekt. Kemi fituar të drejtën për të luftuar për këtë sezon. Sezonin e ardhshëm do të ketë ndryshime por na lejoni të luftojmë për këtë sezon,” u shpreh ai.

LEXO EDHE  Gazeta gjermane shpërthen pas ‘Topit të Artë’: Zgjedhje skandaloze! Lewandowski vetëm i dyti

Ai ka shkuar më tej duke iu drejtuar shtypit që t’ia thonë përballë që nuk e duan në skuadër dhe jo mbrapa shpine.

Skuadra ndodhet 10 pikë larg skuadrës kryesuese Atletico Madrid,  me një ndeshje më shumë se Los Colchoneros.