Tirana ka triumfuar me rezultatin 2-0 në kryeqytet përballë Skënderbeut. Kampionët në fuqi të Superligës i mbyllën llogaritë për 10 minuta.
Taulant Seferi shënoi golin e parë, Muçi më pas goditi shtyllën dhe në minutën e 18-të ishte mbrojtësi Hoxhallari që ndëshkoi edhe me golin e dytë Skënderbeun e zhytur në krizë.
Bardheblutë marrin fitoren e dytë radhazi duke u ngjitur në kuotën e 26 pikëve ndërkohë skuadra korçare mbetet me 12 pikë në vendin e fundit të klasifikimit.
