Policia britanike jep alarmin për “shtëpitë e barit”: Shumica janë shqiptarë dhe s’është rastësi

Policia e Sheffield-it në Britani ka një shqetësim të madh në lidhje me përfshirjen e shqiptarëve në kultivimin e kanabisit në vend.

Reagimi i policisë erdhi pasi kishin kapur në qytetin e tyre një shqiptar, i cili kultivonte 70 rrënjë kanabisi në një shtëpi. Pas verifikimeve, policia zbuloi se i njëjti person ishte arrestuar edhe në Londër sërish brenda një “shtëpie bari”.

Nisur nga kjo, sipas “The Star”, policia shprehet se nga verifikimet e tyre ka rezultuar se thuajse në çdo shtëpi ku kultivohet kanabis, në brendësi të saj gjenden shqiptarë që punojnë aty.

LEXO EDHE  Detaje nga ekzekutimi i boksierit shqiptar në Greqi. Dyshimet për krimin

“Kjo nuk mund të jetë rastësi. Duket se grupe kriminale nga Ballkani Perëndimor janë organizuar për kultivimin e pjesës më të madhe të kanabisit nëpër shtëpi në Britaninë e Madhe. Ky problem duhet adresuar”, shprehet policia e Sheffield.