Kryetari i FRPD-së, njëherësh edhe drejtuesi politik për zgjedhjet e 25 prillit në zonën 6 në Tiranë, Belind Këlliçi, ka denoncuar një rast dhune nga ana e efektives së policisë ndaj një vajze të re në Kombinat.
‘Iku Lleshaj por dhuna ngeli. Një vajzë e re është goditur me shuplakë nga një efektive e policisë në Kombinat, mëngjesin e sotëm!’, shkruan Këlliçi në Facebook.
Sipas Këlliçit, ‘dihet kush është muza e frymëzimit. I madhi i tyre. Të gjithë që e njohin nga afër e dinë që është njeri i dhunshëm’, por Policia e Shtetit duhet të reformohet urgjent pas 25 Prillit!’
Postimi i plotë i Belind Këlliçit:
Iku Lleshaj por dhuna ngeli.
Një vajzë e re është goditur me shuplakë nga një efektive e policisë në Kombinat, mëngjesin e sotëm!
Kundërshtimit me fjalë shteti nën uniformë i përgjigjet me dhunë. Nuk flasin asnjë gjuhë tjetër përveç dhunës. Nuk dinë ose nuk duan.
Shumë policë shfrytëzojnë uniformën për të shfryrë agresivitetin e tyre.
Dihet kush është muza e frymëzimit. I madhi i tyre. Të gjithë që e njohin nga afër e dinë që është njeri i dhunshëm.
Policia e Shtetit duhet të reformohet urgjent pas 25 Prillit!
Uniforma e shtetit shqiptar duhet të shndërrisë nga dinjiteti, profesionalizmi dhe qytetaria.
T’ju vijë turp!
