Një ngjarje e rëndë është shënuar në një lagje të Plains Township, në verilindje të Pensilvanisë, pasi një mosmarrëveshje midis fqinjëve përfundoi në një masakër. Një çift u ekzekutua nga fqinji, ndërsa ky i fundit u vetëvra sapo pa që policia po i afrohej
Konflikti mes fqinjëve nisi mëngjesin e së hënës, për heqjen e dëborës para shtëpive të tyre.
Sipas prokurorit, çifti (burri 50-vjeçar dhe gruaja 48-vjeçare) kishin debatuar shpesh me fqinjin e tyre 47-vjeçar kohët e fundit, megjithatë situata u përkeqësua të hënën, për shkak të “largimit e borës nga oborri i tyre dhe vendosja në oborrin e tjetrit “.
Pas shkëmbimit të fyerjeve për disa sekonda, autori shkoi në shtëpi, u kthye me një pistoletë dhe qëlloi drejtë çiftit derisa i mbaroi të gjithë plumbat që mbante arma.
Më pas ai hyri sërish në shtëpi dhe mori një pushkë AR-15 dhe qëlloi sërish në drejtim të viktimave.
Oficerët që mbërritën në vendin e ngjarjes u përpoqën të ndihmonin çiftin dhe trokitën në derën e të dyshuarit për ta arrestuar. Sapo trokitën ata dëgjuan një të shtënë dhe sapo hapën derën e gjetën atë të vdekur.
Çifti fatkeq la pas një djalë 15-vjeçar me autizëm, i cili tani jeton me gjyshërit e tij.
3 Pennsylvania neighbors in Plains Township, about 15 miles southwest of Scranton, are dead after a fight over snow shoveling, authorities say. pic.twitter.com/AQ9vBArmmh
— Kingsmen Int Group (@KingsmenInt) February 4, 2021
