Vendimi vjen ndërsa ekspertët ndërkombëtarë të zgjedhur nga OBSH vizitojnë këto ditë Kinën për të hetuar origjinën e COVID-19.
Kina konfirmoi sot se do të ofrojë 10 milion doza të vaksinave COVID-19 për konsorciumin ndërkombëtar të vaksinave të udhëhequr nga Organizata Botërore e Shëndetësisë (OBSH).
Sakaq, edhe COVAX publikon planin paraprak të shpërndarjes së vaksinave AstraZeneca dhe Pfizer.
Do të jenë 240 milionë doza të AstraZeneca, si dhe 60 milionë të tjera nëpërmjet Gavi që do të jepen deri në qershor për dhjetëra vende, ku përfshihene edhe Shqipëria, edhe Kosova.
Përsa i përket Shqipërisë, është planifikuar që nga që nga COVAX të përfitojë 141 mijë e 600 doza të vaksinës së AstraZeneca nga COVAX.
Shqipëria nga COVAX do të përfitojë 141 mijë e 600 doza të vaksinës së AstraZeneca nga COVAX. Nga ana tjetër Kosova planifikohet të marrë 100 mijë e 800 doza, të AstraZeneca, si pjesë e programit për të ndihmuar vendet e vogla dhe të varfëra.
“Me kërkesë të OBSH-së, Kina ka vendosur të ofrojë 10 milion doza vaksinash COVID-19 tw COVAX për të përmbushur nevojën urgjente të vendeve në zhvillim”, – tha zëdhënësi i Ministrisë së Jashtme të Kinës, Wang Wenbin në një konferencë shtypi, në Pekin.
Muajin e kaluar, prodhuesit e vaksinave Sinovac, Sinopharm dhe CanSinoBio nga Kina kishin dorëzuar aplikacione për t’u bashkuar me nismën globale “COVAX” që synon të sigurojë vaksina COVID-19 për vendet e varfra dhe me të ardhura të mesme.
Njoftimi erdhi mes një vizite në Kinë nga 13 ekspertë ndërkombëtarë, të zgjedhur nga OBSH, për të hetuar origjinën e koronavirusit i cili u raportua për herë të parë në qytetin Wuhan në provincën Hubei të vendit në dhjetor 2019.
Ekipi vizitoi laboratorin P4 brenda Institutit të Virologjisë wuhan (WIV) sot. Në fillim të pandemisë, laboratori u akuzua nga media perëndimore, si burim i infeksionit.
Laboratori u themelua në vitin 1956 i cili është shtëpia e laboratorit të parë të nivelit të lartë të biosigurisë të Kinës për studimin e patogjenëve të klasës së katërt.
