Bajern Munich ka gjobitur mesfushorin francez, Corentin Tolisso, pasi ky i fundit ka thyer protokollin e COVID-19.
Lojtari frekuentoi një studio tatuazhesh dhe kjo ka mjaftuar për të marrë një gjobë nga drejtuesit.
Kujtojmë se vizitat në këto vende janë një rrezik i madh për t’u infektuar me COVID-19 dhe si rrjedhojë klubi u ka bërë të ditur të gjithë lojtarëve se nuk do të toleronte
asnjë shkelje që vë në rrezik veten dhe lojtarët e tjerë të skuadrës.
Nuk dihet shuma e saktë që Tolisso do të paguajë për shkeljen, por mësohet të jetë diku te 10-mijeuroshi. Lojtari ka kërkuar falje për gjestin dhe ka premtuar se nuk do të rrezikonte më. Në skuadrën e Bayernit kanë rezultuar në fundjavë dy lojtarë me COVID, Leon Gorecka dhe Javi Martinez.