Policia londineze ka arrestuar ditën e djeshme 34-vjeçarin shqiptar Taulant Stoica, një person i përfshirë në trafikun e drogës nga Hollanda drejt vendeve të ndryshme të Evropës.
Taulant Stoica, 34 vjeç, dyshohet se është kreu i grupit që ka trafikuar sasi të mëdha të heroinës midis dhjetorit të vitit 2015 dhe shkurtit të 2016-ës në Itali.
Organet ligjzbatuese italiane e kanë shpallur në kërkim ndërkombëtar shqiptarin pas evidentimit të përfshirjes së tij në veprimtarinë e narkotrafikut.
Stoica rezulton pronari i një bar kafe në qytetin e Londrës, ndërkohë që nuk dihen ende pronat e tjera që mund të posedohen prej tij.