Agjenti i FBI vritet në aksion, plagosen 5 të tjerë

Një agjent i FBI humbi jetën, ndërsa 5 të tjerë mbetën të plagosur gjatë një operacioni për zbatimin e një fletarresti për ndalimin e një personi në Florida, të dyshuar për pornografi me të mitur.

Forca të shumta policie rrethuan lagjen e “Sunrise” në rrethinat e Fort Lauderdale në orët e para të mëngjesit, pas raportimeve për të shtëna, ku ishin përfshirë dhe agjentët e FBI.

LEXO EDHE  U kritikua nga babai se u kthye vonë në shtëpi, 19-vjeçari qëllon veten me ar*ë

Disa orë më vonë u zyrtarizua se një agjent kishte humbur jetën për shkak të plagëve të marra, ndërsa dy nga të plagosurit ishin në gjendje të rëndë.

Autoritetet në Florida deklaruan se autori i ngjarjes më pas u mbyll në shtëpi dhe më pas u vetëvra. Ndaj tij, gjykata kishte nxjerrë një urdhërarresti që lidhje me posedimin e materialeve pornografike me fëmijë.