Superiorja nuk ndalet. Dje festuan Kukësi e Kastrioti dhe situata në fundin e tabelës po bëhet më e qartë, ndërkohë që dita e sotme ka në plan duele mjaft të forta mes skuadrave që luftojnë për trofe të rëndësishëm.
E veçuar është përballja Partizani-Vllaznia, që luhet në “Elbasan Arena” prej orës 16:45. Të kuqtë duan ta çojnë diferencën me shkodranët kryesues në 6 pikë dhe do bëjnë gjithçka.
Finale edhe në Laç, ku vendasit duan të mbeten në trenin e titullit kampion. Për këtë duhet të mundin Teutën, që ndan vendin e dytë me Partizanin dhe gjithashtu do trofeun më të rëndësishëm të futbollit në vend.
Takim tjetër, në orën 13:45, është ai që zhvillohet në Fier mes Apolonisë vendase dhe Tiranës. Bardhejeshilët janë të motivuar pas humbjeve të Skënderbeut dhe Bylisit, por nga ana tjetër Tirana kampione në fuqi synon të rikthehet te fitoret në ndeshjen debutuese të Orges Shehit.
Kategoria Superiore, java e 17-të:
E shtunë, ora 13:45
Apolonia-Tirana
Laçi Teuta
Ora 16:45:
Vllaznia-Partizani
