Ulja e temperaturave duket se ka detyruar edhe deputetët dhe ministrat që në Parlament të shkojnë me pallto e xhupa, duke lënë në garderobat e tyre veshjet që shpeshherë paraqiten në seancat plenare si në sallonet e modës.
Pjesa më e madhe e deputetëve dhe ministrave sot kishin veshur xhupat e trashë, palltot, kishin vendosur edhe shall, ndërkohë që nuk kanë munguar dorezat dhe kapelet.
Fotot e mëposhtme tregojnë disa nga ligjvënësit dhe ministrat që kanë marrë pjesë sot në seancën plenare. Mimi Kodheli, ish-ministre e Mbrojtjes, është shfaqur me doreza dhe kapele, ndërsa Ogerta Manastirliu dhe Elisa Spiropali kanë nxjerrë nga garderobat palltot.
Ministri i Brendshëm, Bledi Çuçi ka preferuar të vishet me një xhup të trashë dimëror, ndërsa Pandeli Majko është kujdesur të vendosë edhe shallin.
