Sekretari i Përgjithshëm i PD, Gazment Bardhi, ka publikuar një video në rrjetet sociale, ndërsa thekson se sa herë që njerëzit e Edi Ramës kapen në përgjime në pazar me trafikantët e drogës apo duke blerë vota, ai vetëm justifikohet.
Referuar deklaratave të një dite më parë të Kryeministrit, Bardhi shprehet se Rama kurrë nuk di gjë asgjë, gjithmonë sillet sikur i bien në qafë.
Video e publikuar nga Bardhi është një përmbledhje e përgjimeve të publikuara deri më tani jo vetëm të antimafies lidhur me pastrimin e parave përmes ndërtimit, por edhe dosjet 339 dhe 184.
Postimi nga Gazment Bardhi
Sa herë njerëzit e tij kapen në përgjime në pazar me trafikantët e drogës, duke blerë vota me krimin e organizuar apo duke shitur tendera, koncesione dhe leje ndërtimi, Edi Rama vetëm justifikohet.
Ai kurrë nuk di asgjë, gjithmonë sillet sikur i bien në qafë të tjerët.
Shqiptarëve u ka ardhur në majë të hundës dhe janë lodhur duke dëgjuar Ramën dhe justifikimet e tij. Ata e dinë se kjo është qeveria më e keqe dhe më e korruptuar në historinë e Shqipërisë.
Askush nuk e beson më Edi Ramën. Në 25 Prill shqiptarët do t’i tregojnë vendin kësaj qeverie dhe do të votojnë për ndryshimin!
