Aksidenti tragjik, që i mori jetën mbrëmjen e djeshme, 23 vjeçares Anxhela Çapo ka ndodhur për shkak të shkeljes së rregullave të qarkullimit rrugor nga drejtuesja e mjetit, bëri me dije sot policia e Vlorës.
Në timonin e makinës ku udhëtonte viktima ishte shoqja e saj, Silvana Muho, e cila ka mbetur e plagosur rëndë pas aksidentit.
“Në përfundim të veprimeve hetimore, nga specialistët e Qarkullimit Rrugor u bë arrestimi në flagrancë i drejtueses së mjetit, shtetases Silvana Muho, për veprën penale “Shkelja e rregullave të qarkullimit rrugor”, tha Policia.
Njoftimi nga Policia e Vlorës:
Në vijim të informacionit paraprak të dhënë mbrëmjen e djeshme, në lidhje me aksidentin rrugor të ndodhur në autostradën Vlorë-Fier, nga veprimet hetimore ka rezultuar se në drejtim të mjetit nuk ka qenë shtetasja Anxhela Çapo, 23 vjeçe, e cila ka ndërruar jetë në vendngjarje, por ka qenë shtetasja Silvana Muho, 22 vjeçe.
Në përfundim të veprimeve hetimore, nga specialistët e Qarkullimit Rrugor u bë arrestimi në flagrancë i drejtueses së mjetit, shtetases Silvana Muho, për veprën penale “Shkelja e rregullave të qarkullimit rrugor”.
Materialet iu referuan prokurorisë, për veprime të mëtejshme.
