Kryeministri Edi Rama tha sot se në 10 ditët apo dy javët e ardhshme do të kemi më shumë stabilitet lidhur me vaksinat.
Pavarësisht se kishte premtuar se brenda javës së tretë të janarit në Shqipëri do të mbërrinin mbi 10 mijë doza vaksinash nga Pfizer, si pjesë e partisë së parë të vaksinave që deklaroi se ka arritur marrëveshje prej 500 mijë dozash, Rama u shpreh se ne nuk jemi vetëm në dorë të kësaj kompanie.
“Nuk jemi vetëm në dorë të Pfizer, pasi kemi kanale të tjera komunikimi, por shpresojmë që në 10 ditët e ardhshme apo dy javët e ardhshme, kompania të sjellë dozat e premtuara dhe të krijojnë stabilitet.
Pfizer ka një problem me të gjitha vendet dhe kompania ka njoftuar një “stop prodhimi”. Megjithatë dozat janë aty dhe ata që kanë marrë dozën e parë do të marrin edhe të dytën, duke siguruar mbrojtjen e plotë nga koronavirusi”, tha Rama.
Pak javë më parë, Kryeministri deklaronte me siguri maksimale se në javën e tretë të janarit në Shqipëri do të mbërrimin 10750 dozat e para të vaksinave Pfizer, në shkurt do të mbërrimin mbi 30 mijë doza, ndërsa në realitet kanë ardhur vetëm 975 doza vaksinash nga një vend që Kreu i Qeverisë vijon ta mbajë si sekret. Gjithashtu Kryeministri deklaronte se ka siguruar po nga një vend i BE, rreth 2 mijë doza vaksinash që sërisht nuk kanë ardhur, ndërsa sot zgjodhi që përgjegjvsinë për mos ardhjen e vaksinave në Shqipëri, e ka pikërisht kompania.
DENONCO