Pse duhet të besohet Taulant Balla dhe jo përgjimet? Rama: Ja çfarë më ndodhi kur isha Kryebashkiak

Kryeministri Edi Rama, ndërsa zhvlerësoi totalisht përgjimet e antimafies italiane, tha se nga vetë prokuroria italiane, janë dhënë konkluzione të qarta që nuk implikojnë askënd në këtë vend.

Rama tha se ai eurodeputeti atje, është mik i PD dhe Lulzim Bashës, por çfarë duhet të them unë se Lulzim Basha është i përfshirë?

“Nga përgjimet del emri i Ilir Metës dhe këshilltarit të tij, Ilir Kulla, që njihet si trafikant lajmesh të rreme, po çfarë duhet të them unë?

Ju e dini sa e mbroj unë Ilir Metën, por unë s’mund të them sot që ai është i përfshirë, meqë disa persona atje, bëjnë muhabete mejhanesh.

LEXO EDHE  Kryemadhi me strukturat e LSI në Kashar: Pas 25 prillit, i japim fund çdo abuzimi!

E dini ju se çfarë më ndodhi kur isha Kryebashkiak i Tiranës? Njëri doli në foto me mua te ish-hotel Dajti dhe me atë foto shkonte dhe i kërkonte firma pronarëve të tokave, duke u paraqitur si djali i tezes sime, që se pata kurrë. Ai ishte mashtrues ordiner”, tha Rama. Sipas tij, mileti nuk mund të furnizohet me dokrra dhe të pavërteta.

“Pse nuk citojnë mediat edhe konkluzionet e prokurorisë italiane? Ky është një turp, që miletit i jepen vetëm dokrra”, tha Rama.