‘Dashuria’ e Ciro Immobile: Kam zgjedhur të ‘martohem’ me Lazion!

Ciro Immobile esulta dopo il gol del 3-0 Campionato Serie A incontro Lazio v Spal allo stadio Olimpico di Roma. Roma, 02-02-2020 © Marco Rosi / Fotonotizia

Ciro Immobile i premton dashurinë e përjetshme Lazios. Gjithnjë e më vendimtar për ekipin bardhekaltër, gjithnjë e më shumë shpirti dhe simboli i një populli.

30-vjeçari, në lidhje të drejtpërdrejtë me emisionin sportiv “Tiki Taka”, deklaroi: “Kur mbërrita te Lazio, ishim në mes të klasifikimit. Bashkë me të tjerët e ngjitëm këtu ku jemi sot.

Dashuria që më japin njerëzit në rrugë nuk mund të krahasohet as me një ekip që përpiqet të fitojë Championsin. U largova nga Torino në vitin 2014, e konsiderova zgjedhjen më të mirë, isha i ri dhe nuk ishte e lehtë. Por ai hap më ndihmoi shumë, ashtu si edhe koha ime e kaluar në klbin “Granata”.

Tani kam zgjedhur “të martohem” me projektin Lazio deri në fund të karrierës sime. Ndihem përgjegjës për lumturinë e tifozëve. Kishte një lidhje kaq të fortë me klubin, tifozët, trajnerin. Familja ime ka kaluar shumë mirë në Romë”.

LEXO EDHE  Kërkohet nga Olimpiakos, klubi i Ferencvarosh fikson çmimin për Myrto Uzunin

Momenti i Immobiles: “Kam pasur disa probleme, me Sassuolo kam luajtur me ilaçe qetësuese. Këtë vit patëm ulje-ngritje, ndërsa në Champions League kemi bërë diçka të jashtëzakonshme. Tani po rikuperojmë në kampionat.

Lazio dhe tifozët: “Në futboll përjeton momente në të cilat ndihesh në formë të shkëlqyeshme dhe i pamposhtur. Dhe kjo ishte koha jonë. Para Pandemisë ishim ekip me të vërtetë i frikshëm, hynim në fushë për të fituar çdo ndeshje. Pastaj u hutuam paksa, humbëm disa pikë. Lazio para COVID-19 mund të luftonte për titullin.”/Syri.net