Çupi: Matjanët po humbin jetën nga Covid, askush nuk jep shifra

Ish-deputetja demokrate Dhurata Çupi denoncoi sot dështimin e Qeverisë lidhur me pandeminë e Covid-19, ndërsa tha se çdo ditë raportohen humbjet e jetëve të matjanëve.

Çupi tha se çdo ditë dëgjojmë se përcillen për në banesën e fundit banorë të kësaj zone dhe askush nuk jep të dhëna zyrtare, por numri qytetarëve që kanë humbur jetën, apo vazhdojnë të jenë në numër të madh të prekur, nga ky virus në Mat, është i lartë.

Ajo tha se matjanëve po u bëhet jeta shumë e vështirë, shumë e pasigurtë për shkak të ashpërsisë së këtij virusi dhe të pamundësisë për tu kuruar pasi tarifat e larta të medikamenteve ua pamundësojnë mjekimin.

“Bluzat e bardha janë heronjtë e vërtetë të kësaj beteje, por numri i lartë i të prekurve nga pandemia, vështirëson shërbimin për pacientët.

LEXO EDHE  Kur do të vijë fundi i pandemisë? Ja çfarë thotë mjeku shqiptar

Institucionet lokale e qendrore përgjegjëse bëjnë sikur punojnë duke bërë “një sy qorr e një vesh shurdh” përballë ambienteve publike plot, dështimit në identifikimin e rasteve të prekura ndërsa situata u ka dalë nga kontrolli.

Në një betejë globale, populli i Matit është i braktisur në mêshirë të fatit nga të gjitha institucionet qê duhet të veprojnë për të parandaluar përhapjen dhe të identifikojnë këtë virus që po merr cdo ditë jetë njerëzish.

Është koha për të siguruar jetën e qytetarëve dhe jo për të bërë propagandë korruptive për suksese imagjinare”, tha Çupi.