Një aksident i rëndë ka ndodhur mbrëmjen e sotme në Vlorë. Në aksident janë përfshirë dy automjete, një Benz dhe një BMW.
Nga të dhënat e para mësohet se si pasojë e aksidentit ka humbur jetën efektivi i policisë N. Malaj.
Aksidenti ka ndodhur te rrethrrotullimi i Nartës.
Automjetet janë përplasur kokë më kokë dhe pothuajse janë shkatërruar.
Policia përmes një njoftimi paraprak bëri të ditur se rreth orës 22:00, në rrugën Transballkanike pranë IEVP Vlorë, mjeti tip “Bmw” me drejtues shtetasin A. V., është përplasur me mjetin tip “Benz” me drejtues shtetasin N. M.
“Si pasojë e plagëve të marra ka ndërruar jetë në vendngjarje shtetasi N. M.
Sherbimet e policisë kanë bërë shoqërimin e shtetasit A. V., në Komisariat, për veprime të mëtejshme.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit”, thotë policia.
