Një 27-vjeçar u qëllua me 5 plumba pasditen e sotme në Greqi, ndërsa gjendja e tij shëndetësore cilësohet si “klinikisht i vdekur”.
Ngjarja e rëndë ka ndodhur mbrëmjen e sotme në Patra, ndërsa 27-vjeçari ndodhej në automjetin e tij, kur u sulmua me armë.
Ngjarja ndodhi rreth orës 18:00 me orën lokale.
Paralel me automjetin ku ndodhej 27-vjeçari, sipas mediave greke, ishte edhe një automjet tjetër, ndërsa të dy makinat ndaluan në Kryqëzimin Kourtesis.
Sipas rrëfimeve të dëshmitarëve okularë, 2 automjetet kishin filluar të ecnin me shpejtësi dhe dukej sikur po ishin në ndjekje të njëra-tjetrës.
Më pas pasagjerët zbresin nga të 2 automjetet dhe nis një përplasje e ashpër mes tyre. Në një moment dëgjohen edhe të shtëna, si dhe përdoret një mjet i mprehtë, thikë.
Si rezultat i të shtënave, 27-vjeçari shqiptar, i cili ishte përleshur me pjesën tjetër ra mbi asfalt dhe u mbulua me gjak.
Qytetarët që panë skenën u tmerruan dhe filluan të vraponin e të fshiheshin, ndërsa ata që ishin në dyqane apo shtëpitë e tyre mbyllën dyert dhe dritaret.
Shqiptari i plagosur është transportuar në gjendje të rëndë në Spitalin e Përgjithshëm Universitar të Patras, ku po trajtohet i vdekur klinikisht.
Policia greke dyshon se autorët e ngjarjes mund të jenë shqiptarë, por mediat greke nuk raportojnë shkakun e përplasjes. Dyshimet e para janë se autorët i përkasin një grupi që menaxhon klubet e natës. Policia raportoi se po kërkon dy persona, që dyshohet se janë autorë të ngjarjes së rëndë.
