Përgjimet e Anti-mafias së Katanzaros treguan se persona të lidhur me mafian Ndragheta flasin për dhënie rryshfeti për leje ndërtimi në bashkië e Tiranës së drejtuar nga Erion Veliaj.
Lidhur me përgjimet u pyet këtë të hënë kryetari i grupit parlamentar socialist Taulant Balla.
Ai shmangu përgjigjen për përfshirjen e kryebashkiakut Veliaj, ndërsa ka akuzuar se eurodeputeti i dalë në përgjime, është mik i kryetarit të Opozitës.
“Eurodepureti që përmendet është një mik i vjetër i Bashës, pyeteni Lulzimin. Ata që janë përmendur me emër i keni në Presidencë dhe miq të kryetarit të opozitës. SPAK duhet ti shkoj deri në fund çështjes”, tha ai.
Deklaratat i bëri në përfundim të mbledhjes së kryeministrit Edi Rama, me drejtuesit politikë në qarqe.
Në një prononcim për gazetarët, kreu i grupit parlamentar të PS tha se në fokus janë zgjedhjet e 25 prillit.
Balla tha se me rëndësi është që zgjedhjet të jenë me standarde. Më tej, ai theksoi se në shumë qarqe, lista do të ndryshojë për shkak të preferencave të qytetarëve.
Balla tha se vazhdojnë konsultimet ndërsa shtoi se kanë arritur një grup përfaqësuesish shumë të mirë.
