Udhëtonte drejt Londrës me dokumente spanjolle, arrestohet 23-vjeçari shqiptar.
Ai u kap nga policia italiane në aeroportin e Linates,ndërsa u paraqit me dokumente të fallsifikuara.
Shqiptari paraqiti te kontrolli policor një kartë identiteti dhe një patentë spanjolle false, tha se do të udhëtonte drejt Londrës, por nuk dinte as një fjalë anglisht.
Kaq ka mjaftuar që shqiptari të arrestohej nga policia. Mediat raportojnë se fillimisht punonjësi i policisë i drejtoi disa pyetje në spanjisht, të cilave pasagjeri nuk ishte në gjendje t’u përgjigje.
Për këtë arsye policët vazhduan me një kontroll më të detajuar të dokumenteve.
Pas analizave teknike doli që dokumentet ishte false dhe pasagjeri deklaroi që ishte qytetar shqiptar, i cili kishte hyrë në zonën Schengen nga Hungaria dhe kishte mbërritur në Itali pasi kishte kaluar në disa vende evropiane, duke përdorur letra false.
Gjyqtari i çështjes vendosi masën e arrestit në burg për 23-vjeçarin që u tradhtua nga mosnjohja e gjuhës që supozohej të ishte gjuha e nënës.
