Ulje të shifrave dhe një përgjysmim i viktimave. Ky është bilanci ditor i pandemisë në Itali, ku autoritetet shëndetësore kanë bërë me dije se gjatë 24 orëve të fundit janë diagnostikuar si pozitivë ndaj koronavirusit, 11629 persona, ndërkohë që viktimat janë 299.
Një shifër që përfaqëson pothuajse një përgjysmim nga dita e djeshme, ku viktimat e deklaruara ishin 488. Sërish Lomabrdia, edhe pse u rikthye në zonat portokalli, mbetet rajoni më i goditur me 1375 raste e ndjekur nga Emilja Romanja dhe Kampania.
Ndërkohë, autoritetet presin disi me shqetësimin faktin që ditën e nesërme rreth 1 milion nxënës do të rifillojnë shkollën në mënyrë tradicionale.
Bëhet fjalë për ato të rajoneve Lombardi, Liguria, Marke dhe Umbria. Në muajt e kaluar, hapja e shkollave ka në rritjen e shifrave të pandemisë.
