Një i vdekur dhe dy të plagosur është bilanci i një aksidenti që ndodhi mbrëmjen e së shtunës në aksin rrugor Fushë Krujë-Laç. Në aksidentin e ndodhur rreth orës 22.40 të së shtunës janë përfshirë 3 automjete.
Nga raportimet mësohet se një automjet tip Toyota, që drejtohej nga shtetasi D. S., është përplasur me mjetin tip “Ford”, me drejtues shtetasin A. S., 46 vjeç, banues në Pukë e më pas me mjetin tip “Audi”, me drejtues shtetasin B. M., i cili drejtonte mjetin në gjëndje të dehur.
Si pasojë e përplasjes ka ndërruar jetë shoferi i mjetit tip “Ford”, A. S., 46 vjeç dhe ndodhen në spital nën kujdesin e mjekëve pasagjerët në mjet, shtetaset D. S., 64 vjeçe dhe P. S., 68 vjeçe, banuese në Pukë.
Policia rrugore ka arrestuar në flagrancë shtetasit D. S., 40 banues në Krujë dhe B. M., 52 vjeç, banues në Has.
Grupi hetimor po heton për të për të përcaktuar rrethanat e aksidentit dhe materialet i kaluan Prokurorisë së Rrethit Gjyqësor, për veprime të mëtejshme.
