“T’i jepet fund represionit ndaj tifozëve bardheblu”, “Tirona Fanatics” apelojnë për lirimin e të ndaluarve

Ditën e enjte, u luajt derbi i kryeqytetit mes Partizanit dhe Tiranës i vlefshëm për javën e 15-të të Kategorisë Superiore. “Të kuqtë” dolën triumfues, ndërsa ndeshjen e vendosi Eraldo Çinari me golin e shënuar në minutën e 83-të.

Gjithsesi, kjo ndeshje  u shoqërua me tension dhe përplasje mes dy tifozerive, me ngjarjet që filluan përpara startit të sfidës. Ndërkohë, si rezultat i këtyre akteve, janë arrestuar dhe proceduar disa persona.

Mbi këtë çështje ka reaguar pak minuta më parë, tifogrupi “Tirona Fanatics”, që deklarojnë se anëtar të  grupit po mbahen akoma padrejtësisht në ambientet e komisiariatit te Elbasanit, ndërsa kërkohet lirimi i menjëhershëm i tyre.