Moscertifikimi i listës me në krye Kurtin, LVV dorëzon kërkesën për rrëzimin e vendimit të KQZ-së në Panelin Zgjedhor për Ankesa

Lëvizja Vetëvendosje, ka njoftuar se brenda afatit ligjor ka dorëzuar ankesë pranë Panelit Zgjedhor për Ankesa dhe Parashtesa  kundër vendimit të djeshëm të KQZ-së për moscertifkimin e listës për deputetë në zgjedhjet e 14 shkurtit.

Këtë e ka bërë të ditur LVV përmes një shkrimi në Facebook, në të cilën ka bashkangjitur poashtu edhe ankesën në fjalë.

“Pavarësisht rekomandimit të qartë nga Zyra për Certifkimin e Subjekteve Politike, i vetmi organ profesional që ka mandat të tillë, për të certifikuar listat e deputetëve në pako, KQZ në krye me Valdete Dakën, në mënyrë arbitrare dhe antiinstitucionale hedhi poshtë këtë rekomandim me qëllimin e vetëm që të pamundësoi certifikimin e listës së Lëvizjes VETËVENDOSJE”, thuhet njoftim.

LEXO EDHE  Përplasja me armë në Elbasan/ Ardi Veliu nuk ka guxim t´i përmendë emrin PS

LVV beson që lista e kandidatëve për deputetë nga kjo parti, do të certifikohet.

“Ne jemi të bindur në të drejtën tonë, sikurse jemi të bindur se lista e dorëzuar nga Lëvizja VETËVENDOSJE! me 16 janar 2021 do të certifikohet e plotë me bartësin e saj, kryetarin Albin Kurti, për zgjedhjet e 14 shkurtit”, ka thënë Vetëvendosje.