Kryeministri Edi Rama ka publikuar ditën e sotme pamjet nga Fushë-Kruja, ku vijon rindërtimi i banesave për familjet që mbetën në qiell të hapur pas tërmetit të 26 nëntorit të vitit 2019.
Rama thotë se kjo lagje pas tragjedisë së një viti më parë po merr hap pas hapi formën e një zone rezidenciale për familjet e prekura nga tërmeti.
“Mirëmëngjes dhe me lagjen e re te Rilindjes së Fushë-Krujës, që pas tragjedisë së një viti më parë, po merr hap pas hapi formën e një zone cilësore rezidenciale për familjet e prekura nga tërmeti, ju uroj një ditë të mbarë”, shkruan Rama.
Qartazi Rama po përdor rindërtimin për show dhe propogandë, ndërsa prej nëntorit të 2019 qytetarët, banesat e të cilëve u dëmtuan nga tërmeti kaluan të paktën 3 dimra në çadra, kontejnierë apo banesa me qira, ndërsa nuk kanë munguar denoncimet për abuzime dhe mungesë mbështetjeje.
