Amerika hapi një faqe të re në historinë e saj ditën e djeshme. Ish-Presidenti Donald Trump dhe gruaja e tij, Melania, u larguan nga Shtëpia e Bardhë dhe çifti tashmë ka mbërritur në Mara a Lago, Florida, ku ndodhet shtëpia e tyre luksoze e pushimeve.
Në momentin e largimit ish Zonja e Parë Melania Trump ishte e veshur nga koka deri tek këmbët me të zeza.
Ajo zgjodhi të vishte një xhaketë të zezë Chanel e cila kushton 5600 dollarë, një çantë të zezë Hermes Birkin të bërë me lëkurë krokodili vlera e të cilës tejkalon çmimin prej 70.000 dollarësh. Këpucët e ish-Zonjës së Parë ishin Christian Louboutin me një vlerë prej 795 dollarë.
Ndërsa Zonja e Parë e re Jill Biden u shfaq me një pallto blu të hapur me vlerë 2800 dollarë dhe një fustan me të njëjtën ngjyrë me çmim 2700 dollarë. Veshja e Jill Biden ishte krijimi i shtëpisë së modës Markarian.
Këpucët prej kamoshi në hije nudo të stilistit të preferuar të Princeshës Diana, Jimmy Choo, me vlerë 650 dollarë. Ndërsa çanta e mbajtur nga Jill Biden kapte vlerën 1450 dollarë.
Maska blu që Jill Biden mbante në fytyrë u krijua posaçërishtë për Zonjën e parë nga pronarja e shtëpisë Markarian, ALexandra O’Neiil, çmimi i të cilës është 60 dollarë.
