Bayern Munchen dhe Leipzig kanë fituar me rezultate minimale në përballjet e tyre respektive duke siguruar pikët e radhës në Bundesligë.
Kampionët në fuqi triumfuan 0-1 në fushën e Augsburg, duke dalë fitimtarë në derbi. Robert Lewandowski vendosi takimin me golin e realizuar nga pika e penalltisë në minutën e 13-të.
Goli i 22-të sezonal në kampionat për bomberin polak, i cili vazhdon të vendosë rekorde të jashtëzakonshme në futbollin gjerman. Një penallti u akordua edhe për skuadrën vendase.
Ishte minuta e 76-të dhe Alfred Finnbogason kishte një shans të artë për të rikthyer baraspeshën, por goditja e islandezit u ndal në shtyllën e Manuel Neuer.
Bayerni është ngjitur në shifrën e 39 pikëve me suksesin e sotëm, ndërsa në vend të dytë renditet Leipzig. Ekipi i Nagelsmann iu fal golit të Emil Forsberg (70′) për të thyer në shtëpi Union Berlin.
Renditja e Bundesligës
Në dy përballjet e tjera ra në sy fitorja 3-0 e Arminia Bielefeld në fushën e vet kundër Stuttgart, ndërsa dueli Freiburg-Eintracht Frankfurt përfundoi në barazim 2-2.
