Prej kohësh, bazuar në rregullat që cakton Komiteti Teknik i Ekspertëve ndalohen aktivitetet partiake, me më shumë se 10 vetë.
Por duket se ky rregull nuk vlen për Rilindjen, e cila cazhdon takimet në kuadrin e zgjedhjeve parlamentare të 25 prillit.
Skandali merr përmasa edhe më të mëdha, kur në mbledhje shfaqet zv.ministrja e Shëndetësisë, Mira Rakacolli. Që bën jetë partie apo është e angazhuar me një subjekt politik nuk ka asgjë të keqe, por çështja qëndron në faktin se në sallën ku ndodhej Rakacolli janë shkelur tërësisht masat anti-Covid.
Të pozicionuar në njërën anë të sallës janë mbi 10 persona, të cilët ndodhen në një takim partie ku merr pjesë Ervin Bushati, drejtues Politik i PS-së për Tiranën, si dhe deputetja Elona Gjebrea.
Në rrjeshtin e parë mes atyre që dëgjojnë urdhërat partiakë është edhe Mira Rakacolli, e cila pavarësisht se mban maskë, e detyrueshme edhe për ambientet e hapura, bazuar në urdhëresat e Komitetit Teknik, ndodhet në shkelje të hapur të udhëzimeve që vetë firmos dhe vulos.
Nëse pamje të tilla do të shfaqeshin në ndodnjë prej lokaleve apo bareve, policia do të nxitonte të njoftonte masën administrative prej 1 mln lekësh ndaj administratorit.
Në rastin konkret Rilindasit janë mbledhur dhe kanë vijuar mbledhjen qetësisht, duke dëgjuar me kujdes udhëzimet e partisë.
Nesër nuk është çudi që zv.ministrja e Shëndetësisë të shfaqet dhe të na caktojë rregullat e reja anti-Covid, të cilat me shumë gjasë nuk do të respektohen nga Rilindja.
