Pasi afruan Mauricio Pochettino-n si trajnerin e ri të skuadrës, vëmendja e Paris Saint-Germain është kthyer në rekrutimet e lojtarëve dhe drejtori sportiv Leonardo ka pranuar se klubi do të përpiqet të nënshkruajë me Lionel Messi nëse ai do të jetë në dispozicion gjatë merkatos së verës.
Kontrata e Messit skadon më 30 qershor 2021, dhe pas një lufte për të lënë klubin verën e kaluar, shumë besojnë se Messi nuk do të rinovojë me katalanasit për të gjetur një skuadër të re.
“Lojtarët e shkëlqyeshëm si Messi do të jenë gjithmonë në listën PSG , por tani nuk është koha për të folur për këtë.”
“Ne jemi duke e ndjekur nga afër këtë çështje. Por nga ana tjetër katër muaj në futboll është një përjetësi, veçanërisht në këtë kohë dhe epokë.”- i tha Leonardo France Football.
