Presidenti Ilir Meta është takuar sot me disa studentë në Vlorë të cilët studiojnë brenda dhe jashtë vendit.
Meta shkruan se duhet dëgjuar zëri i të rinjve dhe të bërë përpjekje për të krijuar të gjitha shanset dhe mundësitë për të ndërtuar të ardhmen e sigurt në vendin tonë.
“Kënaqësi të nisja sot ditën, me një bashkëbisedim të ngrohtë në Vlorë me studentë të këtij qyteti, të cilët studiojnë brenda dhe jashtë vendit. Ndamë shumë ide të çmuara për domosdoshmërinë e angazhimit të tyre energjik, në të gjitha fushat e jetës, për t’i dhënë Vlorës shkëlqimin dhe krenarinë e merituar.
Të dëgjojmë zërin e të rinjve dhe të bëjmë çdo përpjekje për t’ju krijuar të gjitha shanset dhe mundësitë për të ndërtuar të ardhmen e tyre të sigurt në Atdheun tonë”, shkruan Meta.
