Policia e Kurbinit arrestoi një 20 vjeçar, i cili dyshohet se kanosi me armë zjarri një tjetër të ri, ngjarje e ndodhur 5 ditë më parë.
Shërbimet e Policisë Kurbin, në vijim të punës për kapjen e personave në kërkim dhe vënien e tyre para përgjegjësisë penale, mbi bazën e informacioneve të siguruara në rrugë operative, bënë të mundur lokalizimin, kapjen dhe ndalimin e shtetasit A.B.,20 vjeç,banues në Kurbin.
Sipas policisë, ky shtetas ishte shpallur në kërkim policor, pasi me datë 12.01.2021 ka kanosur me armë zjarri duke qëlluar në ajër shtetasin E.P.,18 vjeç,banues në Kurbin.
