Pandemia e koronavirusit ka kaluar një tjetër prag tragjik, për sa i përket numrit të viktimave.
Sipas universitetit John Hopkins, që nga fillimi i pandemisë ka monitoruar situatën epidemiologjike në çdo vend të botës, sot janë tejkaluar 2 milionë viktimat.
Shtetet e Bashkuara kryesojnë këtë renditje të hidhur me pothuajse 390 mijë viktima, të ndjekur nga Brazili me rreth 200 mijë dhe India me 150 mijë viktima.
Vendi i BE-së me më shumë humbje jete mbetet Italia, që ka kaluar sot 81 mijë të vdekur. Ndërkohë, të infektuarit në botë me koronavirus kanë kaluar 93 milionë.
