Makina “Citroen” me 5 antarë të një familje, siç dallohet nga këto pamje është shkatërruar tërësisht nga përplasja me një kamion.
Si pasojë e përplasjes fatale kanë humbur jetën 4 persona, Blerim Avdiaj 50 vjeç, Anjeza Avdiaj 34 vjeçe, dhe 2 fëmijët 11 dhe 3 vjeçe nga Kosova.
I plagosur rëndë ka mbetur edhe fëmija i tretë i familjes, i cili është dërguar më urgjencë në Spitalin e Traumës në Tiranë.
Shkak i aksidentit dyshohet se ka qenë parakalimi i gabuar nga makina ‘Citroen’ me të cilën po udhëtonte familja nga Kosova dhe shpejtësia e lartë.
Të 4 anëtarët e familjes kanë gjetur vdekjen në vend, ndërsa fëmija tjetër është sjellë në Spitalin e Traumës në Tiranë, në gjendje të rëndë për jetën.
