Kryeministri Edi Rama ka mbërritur në vendin, e zgjedhur prej tij, si truall për ndërtimin e spitalit rajonal të Fierit, edhe pse ajo është një tokë arë.
Forcat e policisë nuk lejojnë praninë mediave në vendin ku ndodhet kryeministri, ndërkohë që fermerët kanë zgjedhur të mbllidhen diku më larg mbikalimit nga ku kryeministri me stafin po inspekton truallin ku pritet të ndërtohet spitali.
Fermerët ndodhen në tokën e tyre që prej mëngjesit të sotëm dhe kundërshtojnë ndërtimin e spitalit. Një ditë më parë ata deklaruan se nuk do të pranonin asnjë çmim për shpronësimin, pasi toka ishte i vetmi mjet për sigurimin e jetesës. Ndërkohë ata denoncuan publikisht kryebashkiakun e Fierit, Armando Subashi, për intimidimin dhe kërcënimin që u ka bërë për t´i shpronësuar forcërisht.
Duket se Edi Rama do të nxitojë për të përmbyllur sa më shpejt shpronësimet dhe qëllim nisjen e punimeve dhe inaugurimin e spitalit para zgjedhjeve të 25 prillit.
