Ish-kryeministri Sali Berisha, përmes një postimi në rrjetet sociale, ka reaguar lidhur me vaksinimin.
Berisha e cilëson Kryeministrin Rama si bosin e Shqipërisë, një kryemafioz të papërgjegjshëm, i cili guxoi dhe nxori në tregun mediatik në kulmin e pandemisë së COVID-19, vaksinën kundër tij, në kundërshtim flagrant me ligjet e vendit dhe ligjet ndërkombëtare të transportit, të importit, të qarkullimit, të medikamenteve, pa asnjë dokument që të provojë se është reale apo skarcitet dhe falso.
Referuar faktit se Kryeministri nuk deklaroi se nga cili vend erdhën dozat e para të vaksinave, Berisha thekson se qytetarëve, njëlloj si në një narkoshtet u thuhet se kjo është një dhuratë e një vendi të BE-së që kërkon që të mos i përmendet emri dhe se kjo është meritë jo e atij që e dhuroi, por meritë e bosit birbo të Surrelit dhe se dëshmitar për këtë është Baton Stanishiqi.
“Ndërkohë, të gjitha ambasadat e vendeve të mundshme ose qendrat e tyre si Roma, ku prej tre javësh gjendet një dhuratë e BE-së prej 11 mijë vaksinash apo si Athina që premtoi rreth 10 mijë të tilla dhe të tjera, mohuan të jenë nisur vaksina për në Tiranë”, vijon reagimin e tij Berisha.
Postimi nga Berisha
Skenat e ndjeshme në stadium tejkalojnë për kah surrealja, folku dhe tragjikomizmi i tyre edhe zhvillimet në Makonda, në fshatin e fantazive të Garsia Markesit.
Kështu dje, bosi i Shqipërisë, një kryemafioz i papërgjegjshëm, guxoi dhe nxori në tregun mediatik në kulmin e pandemisë së COVID-19, vaksinën kundër tij, në kundërshtim flagrant me ligjet e vendit dhe ligjet ndërkombëtare të transportit, të importit, të qarkullimit, të medikamenteve, pa asnjë dokument që të provojë se është reale apo skarcitet dhe falso.
Qytetarëve, njëlloj si në një narkoshtet u thuhet se kjo është një dhuratë e një vendi të BE-së që kërkon që të mos i përmendet emri dhe se kjo është meritë jo e atij që e dhuroi, por meritë e bosit birbo të Surrelit dhe se dëshmitar për këtë është Baton Stanishiqi.
Kurse muzika nuk mund t’i besohej kujt tjetër përveçse Arben dhe Karlo Malavitës, Ymer Çorapes dhe tualetit të Kol Ballës, të cilët njoftonin me tam-tame se arritën 500 000 dozat e para që qeveria i ka kontraktuar tek Pfizer (pa asnjë kontratë) dhe që duhet të vinin javën e tretë të janarit, kurse në të vërtetë bëhej fjalë për 960 doza të vjedhura, të kontrabanduara, skarcitet dhe një zot e di çdo gjë tjetër, por asgjë në përputhje me ligjet dhe rregullat.
Ndërkohë, të gjitha ambasadat e vendeve të mundshme ose qendrat e tyre si Roma, ku prej tre javësh gjendet një dhuratë e BE-së prej 11 mijë vaksinash apo si Athina që premtoi rreth 10 mijë të tilla dhe të tjera, mohuan të jenë nisur vaksina për në Tiranë.
Së fundi, ky skenar që tejkaloi, në tragjikomizmin e personazheve, disa herë, atë të klanit të Kolonel Buendias dhe Ursula Inguaran (personazhe kryesore të Markesit në “100 vjet vetmi”) hoqi çdo maskë për atë që quhet Komitet, i cili del se nuk është asgjë tjetër veçse një bos mafioz i një vendi, ku ligji kombëtar dhe ndërkombëtar, është zëvendësuar me ligjin e Mafies!
