Të tjera detaje janë zbardhur ng ngjarja e rëndë që tronditi Greqinë një ditë më parë, ku 1 person u vra dhe tre të tjerë u plagosën, pas një konflikti. Viktima dhe një prej të plagosurve janë shqiptarë, babë e bir, ndërsa dyshohet se edhe autorët e ngjarjes janë po shqiptarë.
Policia greke po kërkon një automjet Opel ngjyrë gri, me të cilën dyshohet se janë arratisur autorët nga vendi i krimit.
Sipas medieve greke, autorët e krimit nuk mendohet se kishin shkuar në vendin e ngjarjes për të kryer vrasje.
Burimet thonë se nëse do të ishte kështu, ata nuk do të kishin zgjedhur atë vend dhe atë orar.
Por sherri mes palëve ka precipituar shumë shpejt dhe një person ka mbetur i vrarë dhe tre të tjerë janë plagosur.
Viktima është babai i një prej të rinjve të përfshirë në sherr. Ai u kishte dalë përpara plumbave për të mbrojtur të birin, por humbi jetën në vendin e ngjarjes.
Viktima dhe i biri janë shqiptarë. Po ashtu edhe autorët e krimit mendohet se janë shqiptarë. Mes të plagosurve është edhe një grua që nuk mendohet se ka lidhje me ngjarjen e rëndë.
Pista e ngritur lidhur me krimin është ajo e prishjes së pazareve mes djalit të viktimës dhe autorëve.
