Vllaznia gati për përforcimin e radhës, synohet talenti i dalë nga akademia e Milanit

Vllaznia që kryeson kampionatin shqiptar pas goditjes Avdijaj në sulm duket se së shpejti do të sigurojë edhe një mesfushor që mbërrin nga të rinjtë e Milanit.

Sipas asaj që lajmërojnë mediat italiane (Tuttomercatoëeb), bëhet fjalë për mesfushorin e datëlindjes 2000, Emir Murati dhe që pritet të transferohet në huazim te kuqeblutë deri në fund të sezonit.

LEXO EDHE  Erdhën me bujë gjatë merkatos së verës, Tirana “i tregon derën” 3 lojtarëve

Aventura e tij e fundit ka qenë te Pro Sesto në Serie C, por nuk ka gjetur hapësira dhe u kthye në bazë. Murati është rritur në sektorin kuqezi dhe ka lindur në Itali, por ka luajtur edhe me moshat e Kroacisë.

Dikur konsiderohej si talent i Akademisë kuqezi, por ecuria e tij nuk përmbushi pritshmërinë.