Taulant Seferi është prezantuar nga Tirana mbrmëjen e djeshme në stadiumin “Selman Stermasi”. Sulmuesi i Kombëtares shqiptare firmosi një kontratë për 6 muaj me bardheblutë dhe vjen si huazim nga Young Boys.
Përpara mediave, Seferi tregoi arsye se përse zgjodhi Tiranën dhe objektivat që ka për këtë sezon dhe të ardhmen.
Përse zgjodhët Tiranën? “Kisha një parakontratë me një klub në Zvicër, isha duke ndënjtur në shtëpi dhe më mori në telefon drejtori i Tiranës, Osmani. Kemi bërë një bisedë shumë të mirë dhe e vlerësoj për profesionalizmin, ma ka dërguar ofertë dhe nuk ishte aspak e vështirë.
Tirana është një klub I madh dhe më kanë pritur shumë, ka një tifozeri të zjarrtë në Ballkan. Nuk jam menduar shumë dhe dua të ndihmoj Tiranën dhe klubi mua”.
Kampionatin shqiptar? “E kam ndjekur pak, ndeshjet më kryesore, por besoj se ka më shumë kualitet se në Maqedoni dhe Kosovë. Është një kampionat shumë I mirë”.
Çfarë prisni të fitoni nga Tirana? “Pres të fitoj eksperiencë, rezulate dhe do të bëjë maksimumin në këto 6 muaj që do të jem pjesë e këtij klubi”.
Derbi pas dy javësh? “Shpresoj të jem në fushë dhe mezi po e pres atë ndeshje. Së pari nesër do të filloj stërvitjen e parë dhe fokusi është të jem në ndeshjen ndaj Kastriotit që shpresoj të na eci mirë e pastaj të mendoj për ndeshjen ndaj Partizanit.
