Gjithcka “shkon vaj” te Milani, bëhen gati dy rinovimet e para!

Milani po përjeton një sezon fantastik, teksa aktualisht renditen të parët në Serie A. Pas fitores së mbrëmjes së djeshme ndaj Torinos me rezultatin 2-0 kuqezinjtë kanë një tjetër arsye për të festuar.

Drejtori sportiv i Milanit, Frederic Massara, ka folur për DAZN për rinovimin e mundshëm të Donnarummas dhe Calhanoglus. Dy lojtarë që mund të dalin të lirë në verë dhe janë shumë të rëndësishëm për klubin kuqezi.

LEXO EDHE  Daja: S’e kishim menduar se do të ishim në vendin e parë, sjellja e Çinarit e papranueshme

Shpresat për rinovimin e mundshëm janë shumë të mëdha. “Ne kemi besim se do të arrijmë marrëveshjen me Donnarumman dhe Calhanoglun dhe do të rinovojmë kontratën javën  e ardhshme”, – tha ai.

Një mesazh i qartë se disa nga pretendimet e dy lojtarëve kryesorë do të plotësohen. Kërkesat financiare të portierit dhe mesfushorit janë të larta, por duket se gjuha e përbashkët do të arrihet.