Partizani luan sot kundër Apolonisë duke filluar nga ora 16:45. Kjo do të jetë ndeshja e tretë mes dy skuadrave këtë sezon, të cilat janë ndeshur një herë në Kupën e Shqipërisë dhe një herë në kampionat, takim i vlefshëm për fazën e parë të Kategorisë Superiore, teksa në të dyja sfidat ka dalë triumfues Partizani.
Një ndeshje ku të kuqtë vijnë si favoritë absolut dhe një hap fals do të ishte i pa tolerueshëm. Për ndeshjen e sotme, Belica dhe Hakaj, janë në dyshim ndaj fierakëve. Ndërkohë Solomon rikthehet pas pezullimit prej kartonëve, ndërsa Lucas Cardozo pritet të ulet në stol.
Ilir Daja pritet ta rikthejë Cordeiro Melo-n si titullar. 27-vjeçari ka lënë pas problemet dhe ka ulur kokën duke punuar, çka e ka bindur trajnerin Daja që t’i besojë si titullar për herë të parë këtë sezon në Superiore.
Formacionet e mundshme:
Partizani-4-1-4-1: Hoxha, Idrizaj, Bitri, Broja, Balla, Kote, Asani, Mala, Bardhi, Melo, Solomon
Apolonia-5-3-2: Harizaj, Omeri, Agiare, Sota, Repaj, Zoga, Mehmeti, Smaçi, Jeboah, Ejoh, Gjata
