2Gjëja e parë që njerëzit duan të shikojnë është cila është shpresa, cila është mundësia. E vetmja pikë e fundit sot që ka ngelur, është mundësia për ta ndryshuar atë gjë. Dhe unë jam e bindur që mundësi dhe shanse ka, mjafton të kesh dëshirën e mirë për t’i bërë gjërat2″, u shpreh kryetarja e LSI, Monika Kryemadhi, gjatë një takimi me banorë të njësisë nr 3 në Tiranë.
Duke iu referuar takimeve të mëparshme, Kryemadhi vuri theksin në largimin e mjekëve dhe infermierëve nga Shqipëria, ndërsa tha se sot është e vështirë që të gjenden për të plotësuar boshllëkun në sistemin shëndetësor.
Kryetarja e LSI u shpreh se sor studentët po zhvillojnë mësimin online, por sa produktive do të jetë kjo për të ardhmen e tyre.
“Ashtu sikurse nis një biznes, që gjithmonë e nis me vështirësi. Ashtu edhe nga ana tjetër pushteti të ofron lehtësira dhe infrastrukturën ta bën komode, kjo është pozitive. Por kur shteti të krijon bllokim nga ana tjetër kjo është e pamundur.
Po të njëjtën gjë ndjejmë edhe me studentët, që me të vërtetë universiteti është online, por sa produktivë do jenë studentët kur të dalin nga bankat e shkollës, nga kjo gjë. Ja ku kemi edhe punonjësen e bankës, e shikojmë që çdo ditë e më shumë kreditë po kthehen në kredi të këqija, sepse njerëzit nuk kanë mundësi për t’i paguar dhe fillojnë dhe vendosen në listën e zezë të bankave për t’u ndihmuar dhe për ta rikuperuar. Megjithatë po të vazhdojmë të përmendim gjithë këtë negativitet që e ka rrethuar jetën shoqërore të Shqipërisë, unë jam e bindur që do të jetë një energji negative.
Unë dua të shikoj anën tjetër të medaljes, nuk dua të shikoj anën e keqe. Dua të shikoj anën pozitive të dëshirës së mirë që kanë njerëzit për t’u angazhuar, por edhe për ta zgjeruar rrethin shoqëror të bashkëpunimit”, tha ajo.
Kryemadhi shtoi se deri në 25 prill janë 106 ditë dhe ne zotohemi që do të kthehjmë në vend që të japin kontributin e tyre edhe ata që kanë ikur.
“Dje e thamë dhe atë që ne kemi diskutuar për ligjin e Arsimit të Lartë, ju si e mendoni? Sepse dje ishim me disa profesorë dhe pedagogë të Universitetit të Tiranës dhe po diskutonim që ligji i Arsimit të Lartë ka qenë një nga pikat kyçe të debateve midis universitetit dhe qeverisë vetë. Ajo që thamë ne është që ligjin duhet ta shkruajnë dhe ta vendosin vetë universitetet publike, në bashkëpunim me ato private, por publiket janë lokomotiva.
Shumë shpejt jemi gati të mbyllim një marrëveshje le ta quajmë, midis strukturave tona, por edhe për vetë LSI-në është e panegociueshme si pikë ligji i Arsimit të Lartë. Ne duam ta depolitizojmë. Politika duhet t’i shërbejë, duhet të jetë një urë kalimi e universiteteve tona drejt një standardizimi dhe konsolidimi, apo edhe rritjes së autoritetit të universiteteve”, theksoi Kryemadhi.
